प्रदेस मा स्वच्छता अभियान चलयें ज्यां, मुख्यमंत्रीन दी निर्देश
देरादूण। राष्ट्रीय स्वच्छ सर्वेक्षण म उत्तराखण्डा प्रदर्शन तैं देखिकि मुख्यमंत्री नराज छन।
मुख्यमंत्री धामीन उच्च स्तरीय बैठक ल्यायी अर अधिकारियों तैं निर्देश दीं कि प्रदेस मा स्वच्छता अभियान चलयें ज्यां। उन्न बोलि क सफै क मामला मा लोगु तैं बत्यें ज्यां अर लोगुक मदत बि लियें ज्यां। मुख्यमंत्री न बोलि कि एक साला भितर देरादूण, हरद्वार, रुद्रपुर, हल्द्वानी अर कोटद्वार तैं स्वच्छता रैंकिग मा मत्थी ल्याणा योजना बणै की काम कर्यें ज्यां।
मुख्यमंत्री न देवभूमि उत्तराखण्ड मा हजारु जातरि दर्शन खूणि औन्दन। इल्लै हमतैं यु तय कर्ये ज्या की देवभूमि उत्तराखण्डा सफै कु रैबार देस अर दुन्या तक ज्यां।
बैठक मा अपर मुख्य सचिव राधा रतूड़ी, सचिव शैलेश बगोली, विनय शंकर पांडेय, विशेष सचिव डॉ. पराग मधुकर धकाते, एडीजी एपी अंशुमन, महानिदेशक शिक्षा बंशीधर तिवारी उपस्थित छायीं।