स्वच्छता अभियान आज जन-जन कु अभियान बणिग्यें: धामी

हल्द्वानी। मुख्यमंत्री धामीन आज इत्वार खूंणि शहीद पार्क म स्वच्छता ही सेवा पखवाडा मा इस्कुल्यां बच्चों, ब्यटुला अर स्वयं सहायता समूह तैं संबोधित कायी अर बोलि बल राष्ट्रपिता महात्मा गांधी अर प्रधानमंत्री मोदी क सुपिनौं तैं भ्वां मा उतरणा कु काम कर्यें जाणु च। उन्न बोलि प्रधानमंत्री न जनता थैं स्वच्छ भारत अभियान क जरिया शहरु अर गौं-गौं म 12 करोड़ से जादा इज्जत घर बण्यें की स्वच्छता से ज्वड़णा क दगड़ देसा ब्यटुलौं तैं सुरक्षा अर सम्मान द्यायी। 2014 म सुरु हूयूं स्वच्छता अभियान आज जन-जन कु अभियान बणिग्यें।

मुख्यमंत्री न स्वच्छता अभियान पखवाड़ा म शहीद पार्क मा झाडु़ लग्यें अर शहीदु तैं फुल चढ़ै कि श्रद्धांजलि द्यायी।

ऐ मौका फर मुख्यमंत्री क दगड़ केंद्रीय रक्षा राज्य मंत्री अजय भट्ट, प्रदेश अध्यक्ष महेंद्र भट्ट, जिलाध्यक्ष प्रताप बिष्ट, जिला पंचायत अध्यक्ष बेला तोलिया, विधायक भीमताल राम सिंह कैड़ा, सरिता आर्य, मेयर डॉ. जोेगेन्द्र पाल सिहं रौतेला, अध्यक्ष प्रोफेसर अनिल डब्बू, डी आई जी डॉक्टर योगेंद्र सिंह रावत, जिलाधिकारी वंदना सिंह, वरिष्ठ पुलिस अधीक्षक पी एन मीणा, नगर आयुक्त पंकज उपाध्याय, हेमन्त द्विवेदी बि छायीं।