देरादूणा रैवासियों क् दगड़ि मिलकैकि देरादूण तैं साफ अर बिगरैलु बणौंला : सौरभ थपलियाल

आज प्रदेस सबि नगर निगमु मा शपथ ग्रहण समारोह उर्यें ग्यायी। देरादूणम नगर निगमम शपथ ग्रहण समारोह उर्ये ग्यायी।
जख देराणूणम नगर निगम नै मेयर क दगड़ि 100 पार्षदौं न पद अर गोपनीयता क सौं ल्यायी। गढ़वाल कमिश्नर विनय शंकर पांडेय नै मेयर सौरभ थपलियाल तैं मेयर पदा सौं दिलै अर मेयरन सबि पार्षदु तैं पद अर गोपनीयता क सौं दिलै।

शपथ ग्रहण समारोह बाद मेयर सौरभ थपलियालन बोलि कि सर्या देरादूण कनुकैकि साफ रंया अर देस कु सबसे पैलु अग्वानया (अग्रणी) कनकैकि अंया, यु ऊंकु स्वींणु च। उन्न बोलि देरादूणा जनतै दगड़ि मिलकैकि अपणु देरादूण तैं साफ अर बिगरैलु (सुन्दर) बणौंला। उन्न बोलि ऊंकी इच्छा च कि देरादूण तैं बिगरैलु (सुन्दर) बण्यें ज्यां। यांका वास्ता देसा हौरि सैरू कु बन्दुबस्त तैं द्यखला अर जु बि जरुरत होलि उन्नु बन्दुबस्त करे जालु। अवैध कब्जा बारम उन्न बोलि पैलि यांकी सबि जाणकारी बटोरे जाली।

बतै दियां कि 100 नगर निकायु म चुना ह्वे। जैमा 11 नगर निगम, 43 नगर पालिका परिषद, अर 46 नगर पंचैत सामिल छन।
निकाय चुनौ म भाजपा न निकाय प्रमुखा 42, कांग्रेसन 27 अर बसपा न द्वी अर निर्दलीयौं न 29 पदु पर जीत हासिल कायी। इन्न पार्षद, सभापद अर सदस्यु का 1280 पदुम बिटि 455 पदु पर भाजपा, 169 पदु पर कांग्रेस, द्वी पर बसपा, एक पर उक्रांद, अर द्वी पुद पर आम आमदी पार्टी अर 651 निर्दलीयौं न जीत हासिल कायी।