चुनौं मा हमन जू वादा कै छायी, सबि पर खरा: सीएम
मुख्यमंत्री त्रिवेन्द्र सिंह रावतन अपड़ा जन्मबार पर बाळावाळा देहरादून मा आयोजित एक कार्यक्रम मा वीडिया कांफ्रेसिंग क जरिए कोरोना से बचणा खातिर कोविड नियमों का पाळन करणा की ळोगु से अपीळ कायी। मुख्यमंत्री न ब्वाळ कि मि पूरी तरौं से ठीक छौं, आप अपड़ु ख्याळ रख्याँ।
मुख्यमंत्रीन अपड़ा आवास बटि वीडिया कांफ्रेसिंग क जरिये अपड़ा शुभचिंतकों थैं सम्बोधित कायी। अपड़ा सम्बोधन मा मुख्यमंत्री न बवाळ कि हमन चुनौ मा जू-जू वादा जनता से कै छायी सबि पर पूरा करणा छौं।
उन्न् ब्वाळ कि प्रदेश मा भ्रष्टाचार मिटाणा कु हमन संकल्प लै छायी, त पूरी ताकतन भ्रष्टाचार थैं मिटाणा पर हमन काम कायी।
मुख्यमंत्रीन ब्वाळ कि प्रदेश मा महिळा सशक्तिकरण खुणि राज्य सरकार ळगातार प्रयास करणि च। प्रदेश सरकार न प्रदेश मा महिळाओं थैं अपड़ु रोजगार करणा खुणि अवसर उपलब्ध करायी।
मुख्यमंत्री ब्वाळ कि हमरू लक्ष्य दूर गांव कु विकास च। उन्न ब्वाळ कि प्रधानमंत्री न गैस कनेक्शन दैकैकि महिळाओं क मुंड बटि लक्खुडों कु बौझा थैं हटे द्यायी। अब हमन प्रदेश मा महिळाओं का मुंड बटि घास हटाणा कु काम शुरू कैरि द्यायी। अब महिळा अपडु रोजगार कारळी अर आत्मनिर्भर बणाळी।
कोरोना से बचाव खुणि मुख्यमंत्री न ब्वाळ कि कोविड से बचाव खुणि कोविड नियमों का पाळन जरूरी छन। अर कोरोना क रंग-ढ़ग दिख्येंण पर डाक्टर से सळाह जरूरी च। नियमों क पाळन कैरिक हम कोरोना थैं हरै सकदों।