मुख्य सचिवन दीन क्वादु, झुंगरू व मरसु क पैदावार बणौंणा निर्देश
देरादूण। मुख्य सचिव राधा रतूड़ी न क्वादु, झुंगरू व मरसा क पैदावार बणौंणा खूणि विधान सभा भवन मा हाउस ऑफ हिमालया अर मिलेट मिशन क बैठक मा निर्देश जारी करनि।
मुख्य सचिवन कृषि अर उद्यान विभाग तैं प्रदेसा मा जमीन ख्वजणा खूणि बोलि, जैमा क्वादु, झुंगरू अर मरसा क उत्पादन बणौंणा का निर्देश दीन।
मुख्य सचिवन बोलि कि क्वादु, झंगुरू, मसरू अर हौरि घर्या चीजु कु उत्पादन अर प्रोक्यूरमेंट तैं बढ़ौंणा खूणि कृषि अर उद्यान विभागा दगड़ि सहकारिता विभाग तैं कि काम करण प्वाड़लु।
मुख्य सचिवन यूसीएफ अर हाउस ऑफ हिमालय क बीच मा एमओयू करणा का बि निर्देश दीं। मुख्य सचिवन विधानसभा, सचिवालय जीएमवीएन, केएमवीएन अर सबि सरकरि भवनु अर संस्थानु मा खाण मा क्वादु, झुंगरू कु उपयोग बणौंण का निर्देश दीन। मुख्य सचिव खास कैकि महिला विकास अर बाल कल्याण विभाग अर स्वास्थ्य विभाग तैं ब्यटुलौ अर बच्चों कु स्वास्थ्य विकास मा क्वादु, झुंगरू अर मररू जन्ना म्वाटु नाज दियें जाणा क निर्देश दीन। उन्न बोलि ऐ काम मा एएनएम, आशा वर्कर्स अर आंगनबाड़ी कु काम खास होलु।
उत्तराखण्डा अम्ब्रेला ब्राण्ड हाउस ऑफ हिमालया क मजबूती खूणि घर्या चीजु तैं बजार मा ब्यचणा क तरिकों खूणि मुख्य सचिवन राष्ट्रीय अर अन्तर्राष्ट्रीय स्तर पर बड़ा ब्राण्डौं क काम करणा तरीकों क बारा मा अधिकारितयों तैं जाणकारी प्राप्त करणा निर्देश दीन।
बैठक मा प्रमुख सचिव आर के सुधांशु, सचिव आर मीनाक्षी सुन्दरम, श्रीमती राधिका झा, वी बी आर सी पुरूषोत्तम, विनोद कुमार सुमन, चन्द्रेश कुमार, अरविन्द सिंह हयांकी, अपर सचिव मनुज गोयल अर हौरि अधिकारी छायी।