मुख्यमंत्री क ओएसडी थैं ह्वे कोरोना संक्रमण

देरादूण। उत्तराखण्ड मा कोरोना अपड़ा खूटों थैं तेजी से पसरण पर लग्यूं च। सचिवाळय थैं अपड़ा चपेट मा लिंण वळ कोरोना अब मुख्यमंत्री क दगड़ काम करण वळों तक पंहुचि ग्यायी।

ताजा खबर या च कि मुख्चमंत्री का ओएसडी गोपाल रावत थैं कोरोना संक्रमण ह्वै ग्यायी। ऊंकी कोविड-19 क रिपोर्ट पाॅजिटिव च। इतगा हि न बल्कि नेशनळ हेल्थ मिशन (एनएचएम ) क आठ कर्मचारि फर भि कोरोना वायरस न हमळा कैरि द्यायी। बतै द्या कि देरादून मा जै बिल्ड़िग मा एनएचएम कू दप्तर च वेमा कोविड-19 स्टेट कंट्रोळ रूम भि च। जै कारण सै कोरोना कू प्रकोप स्टेट कंट्रोळ रूम मा भि ह्वे सकद।

उत्तराखण्ड मा अभि तक 13 हजार से जादा मनखि कोरोना संक्रमित छन। ईं आंकड़ा लगतार बढ़णू च। आम से लैकिक खास मनखि तक कोरोना क चपेट मा आणा छन। अब काेेेेेेेरोना वायरसळ मुख्यमंत्री दप्तर क द्यार खट-खटे याळी।

बतै जाणु च कि मुख्यमंत्री का ओएसडी गोपाळ रावत क नौंनी कखि भैर बटि आई। यामा संतोषजनक बात या च कि पिछळा कुछ दिन बटि गोपाळ रावत दप्तर नि आणा छन दूसरि तरप एनएचएम क 8 कर्मचारियाेें थैं कोरोना संक्रमण से स्वास्थ्य महकमा मा घपरौळ मच्युं च।