मुख्यमंत्री न गढ़वळि फिलम ‘पाड़ि रत्न श्रीदेव सुमन’ कु प्रोमो अर पोस्टर कु कायी विमोचन
नै दिल्ली। मुख्यमंत्री धामी न आज नै दिल्ली मा उत्तराखण्डी पिक्चर पाड़ि रत्न श्रीदेव सुमन कु प्रोमो अर पोस्टर कु विमोचन कायी। मुख्यमंत्री न बोलि कि महान क्रांतिकरी श्रीदेव सुमन जी न समाज खूंणि जु काम कायी, वु हम सब्यौं खूंणि प्रेरणा देंणु राळु। उन्न बोलि की श्रीदेव सुमन न सदनि अन्याय क खिलाप अवाज उठै अर तानाशाही क खिलाप आन्दोलन कायी। मुख्यमंत्री न बोलि कि श्रीदेव सुमनान बौत कष्ट झेलि पर कबि बि सच्चै कु बाटु नीं छोड़ि। मुख्यमंत्री न बोलि कि श्रीदेव सुमन एक क्रांतिकारी, बुद्धिजीवी, रचनाकार अर दूरदृष्टि क सोच रखण वळा महापुरुष छायीं।
मुख्यमंत्री न बोलि कि अप्फ तैं कष्ट देकैकि उन्न सर्या देस मा क्रांति क लौ जगै। उन्न बोलि कि श्री देवस सुमना विचार वै बगत मा जतगा प्रासांगिक छायीं उतगै आज बि छन। मुख्यमंत्री न बोलि कि श्रीदेव सुमन सदनि हमर ज्यूं मा ज्यूंदु राला।
ऐ मौका फर उत्तराखण्डी पिक्चर बणौंण वला बिक्रम नेगी, पिक्चरा निर्देशक, ब्रिज रावत, श्रवण भारद्वाज, सुमित गुसाईं, पदम गुंसाई, बृज मोहन शर्मा वेदवाल, देवी प्रसाद सेमवाल, राजेन्द्र सिंह, अरविन्द नेगी छायीं।