यूनाइटेड किंगडम बटि वापिस औंण फर ह्वै मुख्यमंत्री कु भव्य स्वागत
देरादूण। मुख्यमंत्री धामी कु ब्रिटेन दौरा बटि देरादूण औंण फर आज बन्नू स्कूल रेसकोर्स मा भव्य स्वागत कर्यें ग्यायी।
प्रदेसा म निवेश तैं बढौंवा देंणा खूंणि मुख्मयंत्री लंदन अर बर्मिघम दौरा पर छायीं। जख मुख्यमंत्री न रोड शो अर बैठक करनि जैमा 12 हजार करोड़ से जादा कु निवेश फर मंजूरि ह्वै जै फर आज प्रदेसा मंत्री अर जनप्रतिनिधियौं न मुख्यमंत्री कु अभार बोलि।
मुख्यमंत्री धामी क कोसिस न प्रदेस मा निवेश तैं बढ़ौंणा खूंणि ब्रिटेन मा उर्यीं बैठकु मा प्रदेसा मा 12 हजार करोड़ से जादा कु निवेश प्रस्तावु कु करार ह्वै। ब्रिटेन क पर्यटन मंत्री क दगड़ उत्तराखण्ड क बीच म पर्यटकु क औंण-जाणु लग्यां रैयां यां फर बि मंजूरी ह्वै।
मुख्यमंत्री ब्रिटेन बटि देरादूण औंण फर सतपाल महाराज, प्रेमचंद अग्रवाल, गणेश जोशी, सुबोध उनियाल, श्रीमती रेखा आर्या, भाजपा प्रदेश अध्यक्ष महेंद्र भट्ट, अर पार्टी क कार्यकर्ता छायीं।