मुख्यमंत्री मझाड़ा गौं, सहस्त्रधार पौंछिन गौं अर बोलिकि सरकार आपदा प्रभावितौं दगड़ि खड़ी च, हरेक मनखि की पिड़ा सरकारा पिड़ा च
दिवळि पर आज मुख्यमंत्री सहस्त्रधारा देरादूणा मझाड़ा गौं मा पौंछिन।
जख उन्न काली गाड़, मझाड़ा गौं अर सहस्त्रधारा तोकम आपदा प्रभावितौं दगड़ि मुखाभेंट कायी अर ऊंकी दिक्कतु तैं सूणि अर ऊंतैं दिवळि कु बधै द्यायी। मुख्यंत्रिन वख चलणा कामु तैं बि देखि।
मुख्यंत्रिन दिवळि आपदा प्रभावित लोगुक बीच मन्ये, मुख्यमंत्री गौं वलों दगड़ि छ्वीं लगै। अर गौं वलों तैं भरोसु दे अर बोलि सरकार आपदा प्रभावितौं दगड़ि खड़ी च। उन्न बोलि हरेक मनखि की पिड़ा सरकारा पिड़ा च।
मुख्यमंत्रिन बोलि दिवळि उज्यला कु ना बल दिवळि एकता कु बि त्योवार च। हमर जिन्दगिम बि उमेद अर हैंसि कु झैऽळ जलणि रैंण चैंद।
मुख्यमंत्रिन अप्सरू तैं निर्देश दींन कि आपदा तोकम हूंणा कामु तैं झटाझट पूरु करे ज्यां। मुख्यमंत्रिन बोलिकि आपदा क कारण नौन्याळु की पढ़ै नीं रुकण चैंद।
गौं वलों न बोलिकि दिवळि फर मुख्यमंत्री कु हमर बीच औंण से हमरि हिकमत बढ़िग्ये।