मुख्यमंत्री पुष्कर सिंह धामी न आईएसबीटी देरादूण मा कायी घप्प (अचानक) निरीक्षण
देरादूण। मुख्यमंत्री धामी न आज आईएसबीटी देरादूण मा घप्प पौंचि ग्यीं। मुख्यमंत्री न आईएसबीटी मा जातरियों क बैट्ठणां क जगा, पाणि अर सफै व्यवस्था कु भि निरीक्षण कायी।
मुख्यमंत्री परिवहन अधिकारियों थैं जातरियों थैं मिळण वळी सुविधा थैं ठीक करणा क निर्देश दीं। मुख्यमंत्री न एक हफ्ता का भितर जातरियों खूंणि बैट्ठणा क बैंच, अर पीणाक पाणि क व्यवस्था करणा क निर्देश दीं। उन्न खास कैरिक शौचाळय मा सफै पर ध्यान देंणा खूंणि ब्वाळ।
मुख्यमंत्री न अधिकारियों थैं ब्वाळ कि बुड्यां मनिखयों थैं कुईं दिक्कत नि हंूण चैंद। उन्न ब्वाळ कि जातरियों क सुविधा खूंणि सभि जाणाकारी बोर्ड पर लिखें ज्यां।
मुख्यमंत्री न उत्तराखण्ड क बस मा बैट्ठयां जातरियों क दंगड़ मा छुईं बत्था भि लग्यें अर व्यवस्था क जाणकारी ल्यायीं।