मुख्यमंत्री न विधानसभा गैरसैंण लगै देवदार कु डाळु
मुख्यमंत्री धामीन विधानसभा गैरसैंण मा मुख्यमंत्री आवास म एक डाळु ‘पेड़ मां के नाम अभियान’ मा लगै। ऐ मौका पर मुख्यमंत्री न अपणि ब्वै श्रीमती बिशना देवी क नौं से देवदार कु डाळु लगै। मुख्यमंत्री न बोलि कि एक पेड़ मां के नाम अभियाना जरिया प्रदेस मा बौत सर्या डाळा लगै ग्यींन।
मुख्यमंत्री न बोलि हरेला त्योवार बिटि 15 अगस्त तक सर्या प्रदेसम बौत सर्या डाळा लग्यें ग्यीं। जैमा सबि विभागु न डाळ लगैन।
विधानसभा गैरसैंण क प्रभारी शेखर पंतन बतै कि विधानसभा गैरसैंणम 4 हजार फळु का डाळा लग्ये ग्यीं। उन्न पर्यावरण बचौंणा खुणि मुख्यमंत्री क कोसिसा खुब तारिफ कायी अर मुख्यमंत्री कु आभार बोलि।
ऐ मौका पर विधायक अनिल नौटियाल, मदन सिंह बिष्ट, हरीश धामी, आदेश चौहान, मनोज तिवारी, विधानसभा भराड़ीसैंणा प्रभारी शेखर पंत बि छायीं।