मुख्यमंत्री सचिव समितिक बैठक मा भाग ल्यायी
देरादूण। मुख्यमंत्री धामीन आज सचिवालय म सचिव समिति की बैठक मा भाग ल्यायी। मुख्यमंत्री धामी प्रदेसा पैल्य मुख्यमंत्री छन जौन सचिव समितिक बैठक मा भाग ल्यायी। तीन घण्टौं तक चलि यीं बैठक म प्रदेस से जुड्या मुद्दौं पर बात ह्वे।
मुख्यमंत्री न बोलि कि जनतै भलै का वास्ता बणि योजनौं तैं जनता तक पौंछाणम सचिवोंक बड़ी भूमिका हुन्द। उन्न सचिवौं तैं बोलि कि प्रदेसा हरेक तोक म विकास क दगड़ि लोगु क जीवन स्तर तैं मत्थि उठौंणा खुण हम सब्यौं तैं कोसिस करण प्वाड़लि। उन्न बोलि कि योजनौं तैं हौरि अच्छु बणौंणा क दगड़ि ऊतैं पूरू करणा खुणि पूरि योजना बणै ज्यां। सरकरि योजनौं अर फैसलौं कु असर हजारु लोगु क जिन्दगि म प्वाड़दु।
मुख्यमंत्री न सचिवु तैं निर्देश दीन कि विभागु मा खाली पदु पर भर्ति करै ज्यां।
मुख्यमंत्री न बोलि कि कामु अर योजनौं तैं बणौंणा म नवाचार कु खास ध्यान धरै ज्यां अर नै तकनीक कु जादा से जादा उपयोग करै ज्या। मुख्यमंत्री न बोलि कि गुड गवर्नेसा दिसा मा काम करै ज्या।
मुख्यमंत्री न बैठक म अधिकारियों तैं निर्देश दी कि सचिव समितिक बैठक म प्रदेसा भलै क विषयौं पर खळाखळ समीक्षा करै ज्यां।
मुख्यमंत्री न बोलि कि प्रदेसक बड़ी परियोजनाऔं कसमीक्षा करै ज्या। उन्न बोलि कि दैवीय आपदा अर हौरि नुकसान से बचणा खुणि सेफ्टी ऑडिट करै ज्या।
बैठकम मुख्य सचिव श्रीमती राधा रतूड़ी, अपर मुख्य सचिव आनंद बर्द्धन, प्रमुख सचिव आर. के सुधांशु, एल.फैनई, प्रमुख सचिव न्याय प्रदीप पंत अर सभी सचिव छायीं।