मुख्यमंत्रिन कौशल विकास अर रोजगार कॉन्क्लेव मा भाग ल्यायी अर बोलि नौन्याळु तैं ”फ्यूचर-रेडी“ बणाण प्वाड़लु
दून। मुख्यमंत्रिन धामिन आज दून विश्वविद्यालय मा कौशल विकास अर रोजगार कॉन्क्लेव मा भाग ल्यायी। ऐ मौका पर जनरेशन इंडिया अर उत्तराखण्ड सरकार बीच एमओयू करे ग्यायी।
मुख्यमंत्रिन बोलि यु कॉन्क्लेव हमर जुवान (युवा) कु कौशल विकासा क्षेत्रम नै सम्भौवना क द्वार ख्वलणा दिसम एक कदम च। यु जुवान तैं अपणि तागता हिसाब से कटकुटु बणौंण मा मदत करालु अर ऊतैं आत्मनिर्भर बणौंणा खुणि प्रेरित करालु।
मुख्यमंत्रिन बोलि प्रदेसम निवेश तैं बढ़ावा देंणा वास्ता कोसिस करे जाणि च। प्रदेसम 30 नै नीति बण्यें ग्येन। उन्न बोलि रुजगार दिंणम उत्तराखण्ड अग्वानया प्रदेस बणिग्ये। एक साल भितर प्रदेसम बेरुजगारी दर मा 4.4 प्रतिशता कमी ऐग्ये, प्रदेसम लोगुक आय तेजी से बढ़णि च। मुख्यमंत्रिन बोलि अगिल पांच सालु म हम प्रदेसा जीएसडीपी तैं द्वीगुणा करणा दगड़ा-दगड़ि कौशल विकास अर रुजगार देंणा म बि काम करला।
मुख्यमंत्रिन बोलि कि भारत दुन्या कु सबसे युवा देस च। जख 65 प्रतिशत जनसंख्या 35 से कम उमरा च। उन्न बोलि यीं तागत तैं मुनासिब दिसा दियें ज्यां, त हमरू देस आर्थिक महाशक्ति बणिकि समणि आलु बल मजबूत अर समृद्ध समाजै बुनियाद बि धैरलु। यीं कारण च कि प्रधानमंत्री न 2015 मा हि स्किल इंडिया अभियाना सुरुवात कायी।
मुख्यमंत्रिन बोलि कि आज रुजगार तरीकौं मा खळाखळ बदलौ हूंणू च, तकनीकी नवाचार अर वैश्विक बदलाव का कारण रुजगारा नै-नै मौका मिलणा छन। जैका वास्ता हम तैं अपणा नौनियाळु तैं “फ्यूचर-रेडी” बणण प्वाड़लु। यीं दिसा मा तैं युवावु तैं डिमांड बेस्ट स्किल ट्रेनिंग देणा वास्ता उद्योग अर कॉरपोरेट संस्थानु दगड़ि करार करे ग्यायी।
मुख्यमंत्रिन बोल कि सरकार विदेसी प्लेसमेंट नीति क जरिया प्रदेसा ज्वानु तैं विदेसी भाषा म प्रशिक्षण देंणा कु बन्दुबस्त करै जाणु च। यां खुणि 23 ज्वानु तैं जापान भ्यजें ग्यायी अर 25 जर्मन अर ब्रिटेन भ्यजें जाणा त्यरि च।
ऐ मौका पर कैबिनेट मंत्री सौरभ बहुगुणा, उपाध्यक्ष अवस्थापना परिषद विश्वास डाबर, मुख्य सचिव श्रीमती राधा रतूड़ी, उपाध्यक्ष सेतु आयोग राजशेखर जोशी, प्रमुख सचिव आर. के सुधांशु, सचिव श्री आर. मीनाक्षी सुंदरम, शैलेश बगौली, कुलपति दून विश्वविद्यालय प्रो. सुरेखा डंगवाल, अपर सचिव विजय कुमार जोगदण्डे, एसीईओ सीपीपीजीजी डॉ. मनोज पंत, अपर सचिव मनमोहन मैनाली बि छायीं।