मुख्यमंत्री न मसूरी गोलीकाण्डा शहीदु तैं द्यायी श्रद्धांजलि अर बोलि बल 2 सितम्बर 1994 क घटना सदनि याद राली

मसूरी। मुख्यमंत्री धामी न आज मसूरी म शहीद स्मारक मा फुळ चढ़ैकि शहीद राज्य आन्दोलनकारियों तैं श्रद्धांजलि द्यायी। ऐ मौका फर मुख्यमंत्री न मसूरी म शहीद राज्य आन्दोलनकारियों क कुटुम्दरि तैं बि सम्मानित कायी। मुख्यमंत्री न बोलि कि उत्तराखण्ड राज्य आन्दोलनकारियों न जै मकसद से अलग राज्य मांग कै छायीं, उन्नि प्रदेसा बणौंणा क कोसिस हूंणि च अर प्रदस खळाखळ अगनै बढ़णु च।

ऐ मौका फर मुख्यमंत्री न घोषणा कायी मसूरी शहीद स्मारक पर शेड बण्यें जालु। मुख्यमंत्री न बोलि कि आन्दोलनकारियों क पछ्याण खूंणि प्रमाण पत्र बणौंणा काम मा 6 मैना कु बगत छायीं, बौत जिलौं मा काम ह्वै। अब इन्नु बन्दबस्त कर्यें ग्यें, यांकु दुबरा आंकलन कैकि बन्दुबस्त अगनै बढ़यें ज्यां।

मुख्यमंत्री न बोलि बल 2 सितम्बर 1994 म मसूरी गोलीकांड क घटना सदनि याद राली। उन्न बोलि पुलिस क तानाशाही सब्यौं न देखि, जैथैं वै बगता सरकारन योजना बण्यें की करै।
यीं गोलीकाण्ड मा हमरा 6 आन्दोलनकारी शहीद ह्वैग्यीन। उन्न बोलि उत्तराखण्ड बणौंण मा हमरि मातृशक्ति की बौत बड़ी भूमिका छायीं। उन्न बोलि राज्य आन्दोलकारियौं क सुपिनौं तैं पूरू करणा खूंणि हम सब्यौं तैं प्रदेसा विकास मा मिलिकि अपडु योगदान देंण प्वाड़ळु।

ऐ मौका फर केन्द्रीय रक्षा अर पर्यटन राज्य मंत्री अजय भट्ट, पैल्यक विधायक जोत सिंह गुनसोला, मसूरी नगर पालिका परिषद् क अध्यक्ष अनुज गुप्ता, मसूरी नगर पालिका परिषद् पैल्यक अध्यक्ष मन्नू मल्ल, सिद्धार्थ अग्रवाल, मोहन पेटवाल छायीं।