मुख्यमंत्री न ग्लोबल इन्वेस्टर्स समिट क तय्यरि तैं लेकैकि आयोजन स्थल कु निरीक्षण कायी

देरादूण। मुख्यमंत्री धामी न आज नै दिल्ली बटि वापिस औंणा क बाद 8 अर 9 दिसम्बर खूंणि देरादूण मा उर्यें जाण वलु ग्लोबल इन्वेस्टर्स समिट क तय्यरि तैं लेकैकि आयोजन स्थल कु निरीक्षण कायी।

मुख्यमंत्री न ऐ मौका फर आधिकारियों तैं निर्देश दी कि कार्यक्रम से पैलि सबि जरूरी बन्दोबस्त ह्वै जाण चैंदन। उन्न बोलि कि ग्लोबल इन्वेस्टर्स समिट क उद्घाटन खूंणि प्रधानमंत्री तैं आमंत्रित कर्ये ग्यायी।

मुख्यमंत्री न बोलि कि यु समिट प्रदेस खूंणि बौत जादा खास च। उन्न बतै कि अबि तक उर्यां रोड शो म ढ़ाई लाख करोड़ कु करार ह्वीं। उन्न बोलि करारु पर बौत तेजी से कारवै हूंणि च। मुख्यमंत्री न बोलि कि ज्वानु नौना तैं रोजगार मिल्यां या खूंणि प्रदेसा सरकार खळाखळ कोसिस करणि च।
मुख्यमंत्री न बोलि कि ग्लोबल इन्वेस्टर्स समिट खूंणि प्रधानमंत्री मोदी कु पूरू मार्गदर्शन मिलणु च। उन्न बोलि वाइब्रेंट गुजरात क प्रेरणा न प्रदेस म डेस्टिनेशन उत्तराखण्ड तैं अगनै बढ़यें जाणु च।

ऐ मौका पर सचिव आर. मीनाक्षी सुंदरम, डॉ. पंकज कुमार पाण्डेय, सचिव अर आयुक्त गढ़वाल विनय शंकर पाण्डेय, जिलाधिकारी देरादूण श्रीमती सोनिका, उपाध्यक्ष एमडीडीए बंशीधर तिवारी, एस.एस.पी. देहरादून अजय सिंह, जिला प्रशासन क अधिकारी छायीं।