हल्द्वानी तैं मुख्यमंत्री न दे सीवरेज ट्रीटमेंट प्लाटा सौगात

हल्द्वानी। हल्द्वानी मा मुख्यमंत्री पुष्कर सिंह धामी न आज 35.58 करोड़ रुप्यौं से बणणु वळु सीवरेज ट्रीटमेंट प्लाट अर 3 करोड़ रुप्यौं से बणण वळ लिगेसी बेस प्लाट कु लोकार्पण कायी अर बोलि कि हल्द्वानी मा अंतराष्ट्रीय जू बण्यें जाणा खूंणि बजट दियें जाळु। यांक दगड़ मा मुख्यमंत्री न हल्द्वानी मा नशा मुक्ति केन्द्र ख्वलणा क घोषणा बि कायी। मुख्यमंत्री न बोलि कि सरकार जनतै क भलै खूंणि विकासा काम करणा मा लगि च।

त वखि मेयर डाॅ. जोगेन्द्र पाल सिंह रौतेला न बोलि कि या हल्द्वानी नै सुरुवात च। स्वच्छता खूंणि एक बड़ु कदम च। सीवर ट्रीटमेंट प्लाट मेयर जोगेन्द्र पाल सिंह रौतेला कु सुपिन च, जैकु आर मुख्यमंत्री लोकार्पण कायी।