पाड़ि जनपदु क गौं मा बण्यां 55 पुळु कु मुख्यमंत्री न कायी वर्चुअल लोकार्पण

देरादूण। मुख्यमंत्री धामीन आज मुख्यमंत्री कैम्प दप्तर मा हेस्को अर आईसीआईसीआई फाउंडेशन का प्रदेसा क पाड़ि जनपदु क गौं मा बण्यां 55 पुळु कु वर्चुअल लोकार्पण कायी।

मुख्यमंत्री न बोलि कि यु पुळ क बणण से हमर दूर पाड़ मा रैंण वळु ळोगु तैं बौत फैदा ह्वाळु।

मुख्यमंत्रीन बोलि कि आपदा क नजर मा हमरु प्रदेस बौत संवेदनशील च। बस्गाल मा पाड़ मा जिन्दगि बौत कठिन ह्वै जान्द। उन्न बोलि पाड़ मा रैंण वळु मनखियौं क जिन्दगि तैं असान बणौंणा खूंणि हेस्को न आईसीआईसी फाउंडेशन क दगड़ मा मिलिकि बौत अच्छी पहल कायी।
मुख्यमंत्री न या उमैद कायी कि हेस्को अर आईसीआईसी फाउंडेशन पाड़ि तोक मा पुळ बणौंणा खूंणि इनि अपड़ि मदत कारळा।

ऐ मौका फर वर्चुअल भारत सरकार क प्रधान वैज्ञानिक सलाहकार प्रो. अजय कुमार सूद, हेस्को क संस्थापक अर पद्म भूषण डॉ. अनिल प्रकाश जोशी, आईसीआईसीआई फाउण्डेशन क चीफ ऑपरेटिंग ऑफिसर अनुज अग्रवाल, महानिदेशक यूकॉस्ट प्रो. दुर्गेश पंत, श्रीमती हिमानी शिवपुरी बि छायीं।