मुख्यमंत्री धामीन बरखा क कारण ळोगु तैं हूंणि दिकदरि तैं घप्प जैकि देखि

देरादूण। मुख्यमंत्री धामीन आज मंगलबार खूंणि बरखा क कारण ळोगु तैं हूंणि दिकदरि तैं घप्प जैकि देखि।

मुख्यमंत्री आईएसबीटी देरादूण मा सड़कियौं मा भ्वरु पाणि देखिकि जिलाधिकारी तैं निर्देश दीं अर बोलि कि यख पाणि किलै भ्वरणु च यांका जांच कर्यें ज्यां अर यां खूंणि जु बि या खूंणि दोषि छन उ फर सखत कारवै कर्यें ज्यां।

मुख्यमंत्री न चन्द्रबनी देरादूण मा जैकि बि हालात देखि जख एक कलौनी मा बणो बटि पाणि आणा क कारण पाणि भ्वरेणु च। वखक ळोगुन बतै कि यख सुरक्षा दीवार कु काम पूरु नीं हूंणा क कारण या दिक्कत हूंणि च।

मुख्यमंत्री न जिलाधिकारी देरादूण तैं निर्देश दीं कि यीं दिक्कत कु झट दूर कर्यें ज्यां। उन्न बोलि कि ळोगु तैं खाण-पिणा अर औरि क्वीं बि समाना जरुरत ह्वैळी त यांकु बदबस्त कर्यें ज्यां।

ये मौका फर मुख्यमंत्री क दगड़ मा आयुक्त गढ़वाल विनय शंकर पाण्डेय, जिलाधिकारी देरादूण अर जिला प्रशासन अधिकारी छायीं।