मुख्यमंत्री धामी न कायी केन्द्रीय वित्त मंत्री श्रीमती निर्मला सीतारमण भेंट अर सौंग बांध पेजयल परियोजना खूंणि मदत करणा विनति कायी

देरादूण। मुख्यमंत्री धामीन आज दिली मा केन्द्रीय वित्त मंत्री श्रीमती निर्मला सीतारमण क दगड़मा भंेट कायी अर सौंग बांध पेजयल परियोजना खूंणि 1774 करोड़ रुप्यौं क साख मदत करणा विनति कायी।

मुख्यमंत्री न बोलि परियेाजना बणौंणा मा 150 एम.एल.डी. पेयजल गुरुत्व क जरिया देरादूण नगर व वैका उपनगर तोक मा लगभग 10 लाख आबादी थैं पेंणा पाणि दियें जाळु। परियोजना क बणया से पेंणा पाणि व नलकूपों कु भरोसु नी रैंण प्वाड़ळु। उन्न बोलि परियोजना मा तळों बि बणळु जै से क्षेत्र मा पर्यटन थैं बढ़ावा मिलळु अर ळोगु थैं रोजगार बि मिललु। तळौं बणण से पर्यावरण थैं बि फैदा ह्वाळु अर परियोजना कु खास काम बाढ़ थैं रवक्णा कु भि ह्वाळु।