मुख्यमंत्री धामीन कायी स्वास्थ्य एटीएम कु लोकापर्ण

देरादूण। मुख्यमंत्री धामीन आज सचिवालय मा जे. के. टायर लिमिटेड कम्पनी अर यस बैंक क सीएसआर क जरिया लग्यां स्वास्थ्य एटीएम कु लोकापर्ण कायी। ए मौका फर महानिदेशक स्वास्थ्य अर कम्पनी क बीच मा स्वास्थ्य तोक मा मदत करणा खूंणि एमओयू पर दस्तखत कर्यें ग्यीं।

ऐ मौका फर मुख्यमंत्री न बोलि कि इंडियन ऑयल कॉरपोरेशन लिमिटेड क मदत से सीएसआर क जरिया प्रदेस सबि ब्लाकु मा 40 ट्रू नेट मसीन कु बि लोकापर्ण कायी। यु ट्रू नेट मसीनु क मदत से टीबी, कोविड अर औरि बिमरियौं क जांच मा मदत मिललि। मुख्यमंत्री धामीन बोलि कि यस बैंक, आईओसीएल व जेके टायर क हेल्थ एटीएम अर ट्रू नेट मसीनु लगौंणा खूंणि बधै क पात्र छन। उन्न बोलि कि आईओसीएल क जरिया प्रदेस क सबि ब्लॉकु खूंणि 40 ट्रू नेट मशीनु क उलब्धता, हमर प्रदेसा मा ऐ दिसा मा 100 प्रतिशत पूरु ह्वैग्यें।

मुख्यमंत्री न बोलि कि यु सुविधौं से बगत क बचत हि न बलकि पैसौं क बचत बि ह्वैली। यु हेल्थ एटीएम क जरिया प्रदेसा रैवासियों क स्वास्थ्य जांच बगत बगत मा अर अच्छी ह्वैळी।

मुख्यमंत्री मंत्री न कम्पनी से अपील कायी बल कम्पनी उत्तराखण्ड मा शिक्षा, स्वास्थ्य अर स्वच्छता क तोक मा अपणि मदत कैकि एक मिसाल बण्यें सकदन।

ऐ मौका फर कैबिनेट मंत्री डॉ. धन सिंह रावत, सचिव स्वास्थ्य डॉ. आर. राजेश कुमार, डीजी हैल्थ डॉ. विनिता शाह, यस बैंक क स्टेट हेड अजय मिश्रा, कल्सटर हेड निशांत अहूजा, हरेन्द्र बिष्ट, आईओसीएल क भानुप्रकाश सेमवाल, उदित जैन वखम छायीं।