मुख्यमंत्री धामीन बटिन 226 अभ्यर्थियौं तैं भर्ति पत्र

देरादूण। मुख्यमंत्री धामीन आज मुख्यमंत्री आवास कु मुख्य सेवा सदन मा निगर निकायौं क पालिका अकेन्द्रीयित सेवा म उत्तराखण्ड अधीनस्थ सेवा चयन आयोग क जरिया भर्ति हूंया 226 अभ्यर्थियौं तैं भर्ति पत्र बटिन।

मुख्यमंत्री न नगर निगम देरादूण कु बणयूँ सिटीजन एप ‘वन स्टॉप सोल्यूशन’ तैं बि लॉन्च कायी। ऐ मौका फर मुख्यमंत्री न ओडीएफ प्लस क तोक मा अच्छु काम करणा खूंणि हरद्वार, टिरी अर स्वच्छता सेवा अभियान मा सबसे जादा श्रमदान करण खूंणि देरादूण, उधमसिंह नगर तैं ईनाम बि द्यायी।

मुख्यमंत्री धामीन भर्ति हूयां अभ्यर्थियौं तै बधै अर शुभकाना द्यायी अर बोलि कि यु पदु मा भर्ति हूंण से जनतै दिकदारि दूर होलि अर काम मा तेजी आली। उन्न बोलि हम अपडु काम तैं ईमानदरी अर अपडु समझि कि करला त ज्यूं म संतोसा भाव पैदा हूंद। उन्न बोलि रूजगार अर स्वरूजगार तैं बढ़ौंणा देंणा खूंणि सरकार तेजी से काम करणि च अर विभागु मा खाली पदु मा भर्ति करणा कु काम बि तेजी से हूणूं च। अपर मुख्य सचिव राधा रतूड़ी तैं विभागु मा खाली प्वड़यां पदु क जाणकारी लेकैकि भर्ति करणा जिम्मेबरि दियीं च।

ऐ मौका पर मेयर सुनील उनियाल गामा, सचिव अरविन्द सिंह ह्यांकी, निदेशक शहरी विकास नितिन भदौरिया, अपर सचिव कर्मेन्द्र सिंह, नगर आयुक्त देहरादून मनुज गोयल बि छायीं।