मुख्यमंत्री धामी न करिन अपणा सबि चुनावी कार्यक्रम तैं रद्द, बोण मा लगि आग अर चारधाम जातरा क बन्दोबस्त पर कारला बैठक
देरादूण। उत्तराखण्डा बोण मा लगणि आग रुकणा कु नौं नी लिंणि च। आग बुझौंणा क कोसिस मा वन विभाग पूरि तरौं फेल ह्वेग्ये। ज्वा सरकार चितां तैं हौरि बणौंणि च।
प्रदेस मा चारधाम जातरा सुरु हूणि वलि च। यीं कारण च कि मुख्यमंत्री धामी न ऐ मामला तैं देखिकि अपणा सबि कार्यक्रम तैं रद्द दींन।
बतै दियां कि मुख्यमंत्री धामी अज्काल चुनौव क कार्यक्रम म प्रदेस बिटि भैर छन। प्रदेसा बोण मा लगि आग तैं देखिकि मुख्यमंत्री धामी न अपणा सबि चुनौ क कार्यक्रम रद्द कै दींन। बतै जाणु च कि बुधवार खूणि वनाग्नि, पेयजल अर चारधाम जातरा क बन्दोबस्त पर बैठक काराला।
बतै जाणु च कि मुख्यमंत्री धामी सचिवालय मा प्रदेसा बोण मा लगि आग तैं रवक्णा खूणि करै जाणि कोसिसा कामु क समीक्षा काराला अर अधिकारियों तैं निर्देश बि द्याला।