मुख्यमंत्री धामीन हरद्वार मा कायी विकासा कामु क समीक्षा बैठक
हरद्वार। मुख्यमंत्री धामीन आज हरद्वार क सांसद रमेश पोखियाल निशंक क दगड़ डामकोठी मा अधिकारियौं क दगड़ मा विकासा कामु क बारा मा समीक्षा बैठक कायी अर निर्देश दीं कि जनतै क भलै क योजना कु फैदा प्रदेसा कुण-कुण तक जरूर पौंचण चैंद। मुख्यमंत्री न बोलि कि बगत-बगत मा हमथैं चौपाल जन कार्यक्रम उर्यें की गौ क रैवासियौं क दिकदारि कु समाधान करण चैंद। उन्न बोलि रूड़ियों क दिनु मा बिजली, पाणि क खास ध्यान दियें ज्या।
मुख्यमंत्री धामीन बोलि कि हरद्वार चारधाम जातरा कु पैळु पड़ाव च, इल्लै यख सबि सुविधौं कु खास बन्दबस्त, खास कैकि गंगा क घाटु मा साफ-सफै कु खास बन्दबस्तु हूंण चैंद।
ऐ मौका फर रानीपुर विधायक आदेश चौहान, जिला पंचायत अध्यक्ष राजेन्द्र सिंह, पूर्व विधायक लक्सर संजय गुप्ता, भाजपा जिला अध्यक्ष संदीप गोयल, महामंत्री आशू चौधरी क दगड़ मा विभागा अधिकारी छायीं।