मुख्यमंत्री धामीन कायी सामुदायिक स्वास्थ्य केन्द्र गैरसैंण कु घप्प निरीक्षण
गैरसैंण। मुख्यमंत्री धामीन आज सामुदायिक स्वास्थ्य केन्द्र गैरसैंण कु घप्प जै कि निरीक्षण कायी।
ऐ मौका फर उन्न अस्पताल मा दवै कतगा छन अर बिमारु थैं मिलण वळि जरुरी सुविधौं क बारा मा जाणकारि लें अर मरीजु कु हालचाल बि पूछि।
मुख्यमंत्री न उपजिला चिकित्सालय मा बणणु नै भवन कु काम देखि अर काम करणि वळि संस्था थैं कामु जल्दी करणा क निर्देश दीं।
मुख्यमंत्री न बोलि बल सरकार स्वास्थ्य समस्यों क दिकादरि थैं अच्छु करण कु लगातार कोसिस करणि च। मुख्यमंत्री न बोलि कि प्रदेस क दूर पाड़ मा स्वास्थ्या सुविधौं तैं कटकुटु करणा क दिसा मा सरकार खळाखळ काम करणि च। आयुष्मान योजना मा ऐसु क साळ बजट बढ़यें ग्यें।
ऐ मौका फर विधायक अनिल नौटियाल, भूपाल राम टम्टा, मुन्ना सिंह चौहान, सचिव स्वास्थ्य डॉ. आर. राजेश कुमार, जिलाधिकारी चमोली हिमांशु खुराना, एसपी प्रमेन्द्र डोभाल, सीएमओ डॉ. राजीव शर्मा अर स्वास्थ्य विभागा अधिकारी छायीं।