शहीद प्रवीण सिंह गुसाईं क घौर पौंचि मुख्यमंत्री धामी, दे हर तरौ क मदत कु भरोसु
मुख्यमंत्री पुष्कर सिंह धामीन आज सुक्वार खूंणि शहीद प्रवीण सिंह गुसाईं क मूळ गौं पुंडोली, टिरी गढ़वाल पौंचिक शहीद क कुटुम्दरि क दगड़ मा भेंट कायीं।
मुख्यमंत्री न शहीद के बुबा श्री प्रताप सिंह गुसाईं अर ब्वे श्रीमती दीपा देवी से भेंट कायी अर ऊथैं सांत्वना दें अर हर तरौ क मदत कु भरोसु दें।
मुख्यमंत्री न बोलि क वीर सैनिक प्रवीण सिंह देस सेवा खूंणि शहीद ह्वै, ऊंकु नौं इतिहास के पन्नों मा लिखे जाळु। उन्न बोलि कि राज्य सरकार ऐ मुसिबत क बगत शहीद क कुटम्दरि क दगड़ मा खड़ी च। मुख्यमंत्रीन जिला सैनिक कल्याण अर पुनर्वास अधिकारी टिरी गढ़वाल से शहीद प्रवीण थैं फौज बटि मिलण वळा रुप्यों के बारामा जाणकारी भि ल्यें।
विधायक धनसाली शक्ति लाल शाहन न पुंडोली उच्च प्राथमिक विद्यालय थैं उच्चीकरण अर खेल मैदान अर अस्पताल क नौं शहीद के नौं पर रखणा क मुख्यमंत्री से विनती कायी।
ऐ मौका फर वन मंत्री सुबोध उनियाल अर पैल्यक मुख्यमंत्री त्रिवेन्द्र सिंह रावत, गौं क प्रधान किशन वेदपाल अर गौं क रैवासी वखम छायीं।
बतै दियां कि 2 जून 2022 खूंणि जम्मू कश्मीर क शोपिया जिला मा आतंकियों थैं पकड़ना खूंणि चल्यूं अभियान मा 15 गढ़वाल रैफलक वीर सैनिक प्रवीण शहीद ह्वैग्यें छायीं।