मुख्यमंत्री धामीन सियाचिन में शहीद हुय्यां ज्वान थैं द्यायी श्रद्धांजळि
मुख्यमंत्री पुष्कर सिंह धामीळ सियाचिन में शहीद हुय्यां धारकोट, पौड़ी क रैवासी, 57 बंगाळ इंजीनियरिंग क ज्वान विपिन सिंह गुसाईंं क् घौर मा जै कैकि ऊंका पार्थिव शरैळ पर पुष्पचक्र अर्पित कैकि श्रद्धांजळि द्यायी।
मुख्यमंत्री न दिवगंत आत्मा क शान्ति अर ऐ दुःखा दगत मा ऊंकी कुटुम्दरि थैं सास देंणा क भग्वान से प्रार्थना कायी। मुख्यमंत्री न शहीद के कुटुम्दारि थैं मदद कु भरोसू भि द्यायी।
मुख्यमंत्री न घोषणा कायी कि कि शहीद क गौं कु धारकोट-इठूड मोटर मार्ग अर राजकीय इंटर कॉळेज चम्पेश्वर का नौं शहीद विपिन सिंह गुसाईं क नौं पर धरैं जाळु।
सैनिक कल्याण मंत्री गणेश जोशी, स्वास्थ्य अर उच्च शिक्षा मंत्री डॉ. धन सिंह रावत अर पौड़ी क जिलाधिकारी डॉ. विजय कुमार जोगदंडे न भि शहीद थैं श्रद्धांजळि द्यायी।