मुख्यमंत्री धामीन सितूण अखण्ड महायज्ञ मा ह्वै शामिल, प्रदेस अर प्रदेस क रैवासियों क राजी-खुसी (सुख समृद्धि) खूंणि कायी अरज

मुख्यमंत्री पुष्कर सिंह धामी न आज जोशीमठ विकासखण्ड क ग्राम पंचैत बड़ागौ मा सितूण अखण्ड महायज्ञ मा भाग ल्यें अर प्रदेस क राजी-खुसी खूंणि अरज कायी।

मुख्यमंत्री न बोलि कि 42 साल बाद सीता माता कु महायज्ञ हूंण च, हम सौभाग्यशाली छौं कि हम यांका साक्षी छा। उन्न बोलि बल बड़ागौ मा माता सीता कु मंदिर बणाणा खूंणि रूप्या दियें जाळा। उन्न बोलि प्रधानमंत्री नरेन्द्र मोदी क नेतृत्व मा देस सबि तोकु मा तेजी से अगनै बढ़ाणु च। उन्न बोलि क प्रधानमंत्री न देस मा नै संस्कृति थैं जन्म दे। प्रदेस मा जल जीवन मिशन क जरिया 7 लाख से जादा कुटुम्दरि थैं पाणि क कनेक्शन दियें ग्यीं।

राज्य मा तंगि मा रैंण वला मनखियों थैं 3 सिलेण्डर फ्री मा संकल्प लियूं छायीं यां खूंणि बन्दबस्त कर्यें ग्यें अर यांकु शासनादेस भि जारी ह्वै ग्यायी। कुटुम्दरि मा द्विया बुढ़-बुड्याैंं मा पेन्सन देंणा कु बन्दोबस्त बि कर्यें ग्यें। श्री बदरीनाथजी कु मास्टर प्लान खूंणि 2.80 करोड़ रूप्या जारी कर्यें ग्यीं।

ऐ मौका फर विधायक अनिल नौटियाल, भोपाल राम टम्टा, भाजपा क जिलाध्यक्ष रघुवीर सिंह बिष्ट, जिलाधिकारी चमोली हिमांशु खुराना, एसपी श्रीमती स्वेता चौबे, मेला समिति क अध्यक्ष डॉ. मोहन सिंह रावत छायीं।