मुख्यमंत्रिन सड़कियों अर पुळु वास्ता 66 करोड़ रुप्यौं मंजूर करिन

मुख्यमंत्री धामिन सड़कियों अर पुळु बणौंणा वास्ता 66 करोड़ रुप्यौं मंजूर दे द्यायी। यु पैंसौं न नैनीताल म कालाढूंगी क पनचक्की चौबाटा बिटि कमलुवागांजा 8.200 कि.मी. नगर तैं ढकाणु कु काम खुणि अर चौफुला चौबाटा से कठघरियां चौबाटा तक 3.1 किलोमीटर बणौंणा खुणि 12.45 करोड़ रुप्यौं मंजूरि करिन।

विधानसभा तोक लोहाघाटा कालसन ठांठा मोटर मार्ग बिटि बनोली सुदर्का, ठांठा मोटर कु सुधारीकरण वास्ता 3.46 करोड़, देरादूण म विकासनगर क लम्बरपुर बिटि लांघा मोटर मार्ग तैं डेढ़ लैन अर द्वी लेन चौड़ीकरण अर सुधारीकरणा काम खुणि 10.86 करोड़ रुप्या मंजूरि करिन।

अल्मोड़ा जनपद क जागेश्वर म पोखरी-बेगनिया व पोखरी बिनवाल वास्ता चायखान बिटि बलिया तैं ज्वणा कु बाटु 1 से 9 किलोमीटर म डामरीकरण अर सुधारीकरणा काम वास्ता 6.38 करोड़ रुप्या, जनपद चम्पावता शहीद शिरोमणि चिल्कोटी मोटर मार्गा सुधारीकरणा काम खुणि 9.58 करोड, टनकपुर क बाटों तैं हॉटमिक्स डी.बी.एम./ बी.सी. जरिाय सुधारीकरणा काम खुणि 5.98 करोड़ रुप्यौं क मंजूरि करे ग्यायी।

मुख्यमंत्रिन राज्य योजनम देरादूणा राजपुर रोड़ म चूना भट्टा क नजीक रिस्पना गदना मा 55 मीटर पुळ बणौंणा काम खुणि 5.84 करोड़, जनप उधमसिंह नगर क रूद्रपुर मा ट्रांजिट कैम्प झील बिटि चामुण्डा मंदिर तक बणौंणा अर चौड़ीकरणा कामा वास्ता 2.2 करोड़ रुप्या मंजूर करे ग्येन।

जनपद उधमसिंह नगरा रुद्रपुर ब्लॉक म मुख्य बाजारा बीच सम्पर्क मार्ग तैं हॉटमिक्सा जरिया काम करण वास्ता 2.82 करोड़ रुप्या, टिरी गढ़वाल क जौनपुर म बिलोंदी पुळ बिटि फिडोगी-धनौल्टी मोटर मार्ग काम खुणि 3.70 करोड़, बरोटीवाला-अम्बाड़ी मोटर मार्गम 20 मीटर गार्डर पुळ बणौंणा वास्ता 2.19 करोड़ क मंजूरि करे ग्यायी।

यांका दगड़ि उत्तरकाशी मा पुरोला विधानसभा म कमल गदना गुन्याटिगौ मोटर मार्ग कु विस्तारीकरण वास्ता 4.00 लाख, वि. ख. पुरोला म गुन्टाटिगांव म खेल मैदान इण्टर कॉलेज मंदिर मार्ग तक इण्टरलॉकिंगा काम वास्ता 26.00 लाख रुप्यौं मंजूरि करे ग्यायी।