मुख्यमंत्री अन्त्योदय निशुल्क गैस रिफिल योजना ह्वै सुरु

हरद्वार। राष्ट्रवादी चिंतक अर विचारक पंडित दीनदयाल उपाध्याय कु ब्वनु छायी कि जब तक देसा आखरि कुण मा बैठ्या मनखि तैं सरकरि यौजनौं कु फैद नी मिलळू तब तक विकास अद्धा च। या बात प्रदेसा लोक निर्माण, पर्यटन, पंचायतीराज, ग्रामीण निर्माण, सिंचाई, जलागम, धर्मस्व एवं संस्कृति मंत्री सतपाल जी महाराज न मुख्यमंत्री अंत्योदय निःशुल्क गैस रिफिल योजना तै सुरू करदा बोलि।

महाराजन बोलि कि मुख्यमंत्री क कोसिसन आज अंत्योदय निःशुल्क गैस रिफिलर योजना सुरु कर्यें जाणि च। ई योजना मा प्रदेसा अंत्योदय कार्ड वळों कि 1.84 लाख कुटुम्दरि तैं एक साल मा तीन गैस सिलेण्डर फ्री मा दियें जाला।

महाराज जी बोलि कि हरद्वार मा अन्त्योदय रासन कार्ड वळौं तैं भारत पेट्रोलियम गैस एजेन्सी न अप्रैल-जुलाई, 2022 मा 2200 गैस सिलैण्डर, अगस्त-नवंबर मा 5650 दिसम्बर-मार्च मा 4309, गैस सिलैण्डरू क सब्सिडी तैं अन्त्योदय कार्ड वळों क खातों मा भेय्जेग्यें।

इन्नि हिन्दुस्तान पेट्रोलियम कार्पोरेशन लिमिटेड (एचपी गैस) न अप्रैल-जुलाई 2022 मा 893, अगस्त-नवंबर मा 3727 दिसम्बर-मार्च मा 2433 अर इंडियन ऑयल कार्पोरेशन लिमिटेड (आईओसी) न अप्रैल-जुलाई 2022 मा 2453, अगस्त-नवंबर मा 7382 दिसंबर-फरवरी मा 4082 गैस सिलैण्डर तैं कार्ड वळौं तैं दे। इन्नि साल 2022-23 मा कुल 33,129 फ्री गैस रिफिल की सब्सिडी अन्त्योदय कार्ड वळों क खातौं मा भेय्जेग्यें।

ऐ मौका फर भाजपा प्रदेश अध्यक्ष महेन्द्र भट्ट, भाजपा जिला प्रभारी एवं प्रदेश उपायक्ष शैलेन्द्र बिष्ट, भाजपा जिला अध्यक्ष संदीप गोयल, हरिद्वार विधायक मदन कौशिक, रानीपुर विधायक, जिला पंचायत अध्यक्ष किरण चैधरी अर जिला पूर्ति अधिकारी मुकेश पाल क दगड़ खाद्य नागरिक आपूर्ति अर उपभोक्ता मामलौं क सबि अधिकारी अर कर्मचारी छायीं।