पुरकुळ गौ मा मुख्यमंत्री न कायी ‘सैनिक धाम’ कु शिळान्यास

देरादूण। नेता जी सुभाष चन्द्र क जनमबार प आज प्रदेश क मुख्यमंत्रीन पुरकुळ गौ मा सैन्य धामक आधारशिळा धैर।

ये मौका पर मुख्यमंत्री न ब्वाळ कि सैन्य धाम मा प्रदेश क शहीद मवासु क घौरक थाड़ (चौक) मा कु माटू ल्ये जाळु ।

उन्न ब्वाळ कि सैन्य धाम मा आजादी क बाद देश की रक्षा मा अपड़ु बळिदान दैंण वळा वीर सिपैयुं क बारा मा जाणकारी दिये जाळी।

उन्न ब्वाळ कि सिपैहियों क हित पैळि छन। सैपि अर पूर्व सिपैयूं क सबि समस्या कु समाधान खुणि शासन बटि अपर मुख्य सचिव अर जिळों मा जिलाधिकारियों थैं नोडळ अधिकारी बढ़यें ग्यायी। उन्न ब्वाळ कि सबि जिळाधिकारियों थैं निर्देश दिय्या छन सबसे पैळि सैपियूं क समस्या कु समाधान कैरे जावा।