मुख्यमंत्री न जंगळु मा लगि आग थैं रवक्णाक दीं आदेश

देरादूण। उत्तराखण्ड क बोणों मा लगि आग थैं रक्वणा खूंणि आज मुख्यमंत्री न वन विभाग क अधिकारियों थैं जरूदी कदम उठौंणा खूंणि आदेश दी।

सविचालय में उर्ई एक बैठक मा मुख्यमंत्री पुष्कर सिंह धामीन वन विभाग क अधिकारियों से सीधा सवाल कायी कि बोंणों मा लगीं आग थैं रवक्णा खूंणि क्या कायी? अर आग कतगा रूकी। उन्न ब्वाल कि उत्तराखण्ड क सर्या बोण मा आग जलणि च यां से हमरि वन सम्पदा अर बोणों मा रैंण वला जानवरू थैं बौत नुकसा हूंण च। जै थैं हमथैं रवक्ण के काम करण चैंद।

बतै दियां कि अबि तक आग से 3 हजार हैक्टेयर बोण जळि ग्यीं। अर 80 लाख से जादा वन सम्पदा क नुकसान ह्वैग्यायी।

उन्न बतै कि 24 घण्टों मा 53 आग लगणा का घटना समिणि एैं। अर वन विभाग मा न त आग बुझौंणा खूंणि न मनखि हि छन अर न त औजार। जै कारण से हि आम लगातार लग्दें जाणी च। जै जगा मा त गौ अर इस्कूलु मा भि आग लगि ग्यायी। चमोली अर रूद्रप्रयाग मा सबसे जादा आग लगि।

बैठक मा मौजूद वन मंत्री सुबोध उनियाल न बढ़दें जाणी आग के कारण चिंत जतै अर बोलि कि आग लगाण वला लोगु क खिलाफ सकत कारवै करें जाली। उन्न ब्वाल कि आग अप्फि त कम लगद पर आग लोगु जादा लगन्दन।
बैठक मा मुख्य सचिव एसएस संधू अर वन विभाग के अधिकारियोंन मुख्यमंत्री थैं यांका बारा मा बतै।