चारधाम जातरा उत्तराखण्ड खूंणि एक कौथिग च : मुख्यमंत्री धामी

ऋषिकेश। मुख्यमंत्री धामीन आज ऋषिकेश मा चारधाम जातरा 2023 क सुरुवात कायी।

ऐे मौका फर उन्न चारधाम जातरा मा जाण वळा जातरियौं तैं माळा पैरैकि ऊंकु स्वागत कायी अर बस थैं हारु झण्डा दिख्यें कि चारधाम जातरा मा फट्याई।

मुख्यमंत्री न बोलि कि चारधाम जातरा मा अयां सबि जातरियौं कु स्वागत च अर बाबा केदार, बदरी विशाल, माँ गंगोत्री, माँ यमनोत्री से अरज च कि पिछळ साळु तक तरौं ऐसु क साल बि चारधाम जातरा जारी खुसी पूरि हूयां।

मुख्यमंत्री न बोलि कि हमथैं पूरू भरोसु च कि ऐसु क साल जातरा पिछळ साळा कु सर्या रिकॉर्ड तोड़ि देळी। उन्न बोल सबि जातरियौं कु जातरा राजि खुसी हूयां या खूंणि प्रदेस सरकार पूरि तरौं त्यार च अर चारधाम जातरा क त्यारि की खळाखळ समीक्षा करणि च।

मुख्यमंत्री न बोलि कि चारधाम जातरा उत्तराखण्ड खूंणि एक कौथिग च। उन्न बोलि सर्या दुन्या बटि लाखौं क् संख्या मा जातरि उत्तराखण्ड मा अन्दिन। ऐसु क साळ अबि तक 16 लाख ळोगुन जातरा खूंणि अपड़ु नौ लिख्यें याली।

ऐ मौका फर हंस फाउण्डशेन क संस्थापक भोले जी महाराज अर माता मंगला जी, कैबिनेट मंत्री प्रेमचंद अग्रवाल, सुबोध उनियाल, चंदन राम दास अर ऋषिकेशा मेयर श्रीमती अनिता मंमगाई अर चारधाम मा जाण वळा जातरि छायी।