चारधाम जातारा, श्रद्धालुऔं कु आंकड़ 47 लाख पार पौंछिग्ये: सतपाल महाराज

देरादूण। प्रदेसा पर्यटन धर्मस्व अर संस्कृति मंत्री सतपाल महाराजन बोलि कि चौमास (मानूसन) खतम हूंण बा एकदा दुबरा चारधाम जातरा मा औंण वला जातरियौं कु संख्या खळाखळ बढ़दै जाणि च।

प्रदेसा पर्यटन मंत्री महाराजन बोलि कि चारधाम जातरा लगातार चलणि च अर बौत बड़ी संख्याम लोग तीर्थ जातरा मा दर्शनु खूंणि उत्तराखण्ड आणा छन। उन्न बोलि कि ऐसु साल जातरा क सबि रिकॉर्ड टूटि जाला, बि तक चारधाम बदरीनाथ, केदारनाथ, गंगोत्री यमुनोत्री अर हेमकुण्ड मा औंण वला जातरियौं क संख्या 47 लाख से उब्ब पौंछिग्यें।
इतगै हि ना 16 फरवरी 2023 बटि सुरू हूयीं जीएमवीएन गेस्ट हॉउसौं कु बुकिंग कु आंकड़ा बि 26 करोड़ 6 लाख 36 हजार 943 रुप्यौं तक पौंछिग्यें।

महाराजन बोलि कि चारधाम जातरा मा औंण वला जातरियौं क संख्या बतौंणि च ऐसु क साल जातरा मा औंण वला जातरियौं क संख्या 60 लाख पार ह्वै जाली।

महाराजन बोलि कि 18 फरवरी 2023 बटि सुरू हूयीं चारधाम अर हेमकुण्डा जातरियौं कु पंजीकरण क जरिया अबि तक 6977863 (उनहत्तर लाख सतहत्तर हजार आठ सौ तिरेसठ) जातरियौं न अपडु पंजीकरण कर्यें। उन्न बतै कि अबि तक केदारनाथ खूंणि 23 लाख 92 हजार 541, बद्रीनाथ खूंणि 20 लाख 88 हजार 512, गंगोत्री खूंणि 11 लाख 63 तिरेसठ हजार 246, यमुनोत्री खूंणि 10 लाख 73 हजार 94 अर हेमकुण्ड खूंणि 2 लाख 60 हजार 470 जातरियौं न अपडु पंजीकरण कर्यें।