25 मई तक चारधाम जात्रा क पंजीकरण ठप

हरद्वार। उत्तराखण्ड सरकारन चारधाम जात्रा खूंणि हूंण वलु पंजीकरण थैं 25 मई तक ठप (बन्द) कैरि द्यायी। सरकारन चर्या धामु मा रोजना दर्शन करण वला भक्तों के सख्यां तय करि च। 25 मई तक दर्शन करण वला भक्तों क संख्या पूरि ह्वै ग्यायी। जैका बाद सरकारन यू फैसला ल्यायी।

दूसर तरफ रजिस्ट्रेशन नि हूंण से चार धाम मा आण वला जातरियों थैं बौत दिक्कत हूंण च। 25 मई तक रजिस्ट्रेशन पूरा ह्वैग्यीं। जै कारण भैर बटि अयां जातरियों थैं हताश ह्वैकैकि वापिस जाणा प्वड़णु च।

जिला पर्यटन अधिकारी सुरेश यादव न बतै कि 25 मई तक बदरीनाथ अर 14 जून तक केदानाथ धाम मा बुकिंग पूरि ह्वैग्यायी

त दूसर तरफ रूस्यां जातरि क ब्वलण च कि हजारू रूप्या खर्च कैरिक चारधाम मा अयां छन लेकिन ऊथैं अब बिना दर्शना कु वापिस जाणा प्वड़णु च।

बतै दियां कि 3 मई बटि चारधाम जात्रा शुरू ह्वै छायी। अर अबि तक 7 लाख 7 हजार जातरियों न चारधाम मा दर्शन कैरि यलि। बाबा केदान मा सबसे जादा 2 लाख 36 हजारू भक्तौंन बाबा क दर्शन करि।