चारधाम यात्रा थैं सजिलु (सुविधाजनक) बणाण खुंणि मुख्यमंत्रीन मंत्रियों थैं द्यायी जिम्मेबरि
चारधाम जात्रा मा यात्रियों थैं कुईं भि दिक्कत नि ह्यां अर सबि जात्रियों क जात्रा बौत सजिलु हुयां या खुंणि मुख्यमंत्री पुष्कर सिंह धामीन कैबिनेट मंत्रियों थैं जिम्मेबरि दे द्यायी।
मुख्यमंत्रीन चारधाम जात्रा मा केदार धाम क व्यवस्था क जिम्मेबरि कैबिनेट मंत्री डॉ. धन सिंह रावत अर बदरीनाथ धाम के जिम्मेबरि सुबोध उनियाल थैं द्यायी।
डॉ. धन सिंह रावतन बोलि कि केदारधाम मा जात्रा मा बन्दबस्त थैं ठीक करणा खूंणि जिला प्रशासन अर विभाग थैं निर्देश दियेंग्यीन। उन्न बोलि जात्रा मा आणा वला जात्रियों क जात्रा कन कैकि सजिलु ह्वैली या खूंणि मंदिर समिति के पदाधिकारियों क दगड़ मा बात करें जाली।
डॉ. धनसिंह रावतन बोलि कि केदार धाम क जात्रा क बाटों मा डॉक्टर, फार्मासिस्ट कर्मचारी अर वार्ड व्वाय क ड्यूटी लग्यें ग्यायी। जख ईसीजी मसीन, कार्डिक मॉनिटर, डिफेब्र्रिेलेटर, आक्सीजन सिलेंडर अर दवै राली।
उन्न ब्वाल कि यात्रियों थैं जात्रा मा हूंणि वलि दिकदारि थैं ठीक करें जालु अर जात्रियों स जात्रा क तजुर्बा (अनुभव) क बाराम पुच्छें जालु।