चार मैना मा सर्या प्रदेस क रैवासियों कू ह्वाळु टीकाकरण : मुख्यमंत्री
उत्तराखण्ड प्रदेस मा कोरोना वायरस क टीकाकरण खटाखट हूंण च।
प्रदेस क मुख्यमंत्री पुष्कर सिंह धामी न बतै कि बागेश्वर जिळा अर पौड़ी के खिर्सू ब्ळॉक मा जौ थैं टीका लगणु छायी ऊं सब्बि लुक्खु थैं टीका क पैळि खुराक लग्गिं ग्यायी।
मुख्यमंत्री न ब्वाळ कि प्रदेस मा 74 प्रतिशत पात्र मनखियों थैं टीका लग्गि ग्यायी। मुख्यमंत्री न ब्वाळ कि रुद्रप्रयाग मा 99 प्रतिशत टीकाकरण पूरू ह्वै ग्यायी।
मुख्यमंत्री न बतै कि 22 अगस्त खूंणि देरादूण का 100 वार्ड मा 1 लाख मनखियों थैं टीका लग्यें जाळु।
मुख्यमंत्री न ब्वाळ कि हमरू लक्ष्य चार मैना मा प्रदेस क सर्या रैवासियों थैं टीका लगाणा कू च। उन्न ब्वाळ कि ऐ मैना मा हमथैं 19 लाख खुराक मिळि ग्यायी।