बिपिन रावत क समळौंण मा देरादूण मा बणळु स्मारक, 14 अप्रैल खूंणि ह्वाळु अनावरण

देरादूण। प्रदेसा सैनिक कल्याण मंत्री गणेश जोशीन आज देस क पैलि सीडीएस स्व. जनरल विपिन रावत क समळौण मा बणण वळु स्मारक उद्घाटन कार्यक्रम क तय्यरि क बारा मा बैठक कायी। बैठक मा जोशी न अधिकारियौं थैं जरूरी निर्देश दी।

गणेश जोशी न बोलि कि प्रदेसा सरकार देरादूण मा स्व. जनरल बिपिन रावत क समळौंण मा एक स्मारक बणौंणि च। जैमा जरल बिपिन रावत क प्रतिमा रखें जाली। उन्न बोल कि प्रदेसा रैवासियौं कु जनरल रावत खूंणि सम्मान अर माया सदनि रालि। उन्न बतै कि देरादूण कनक चौक कु पार्क मा ऊंकु स्मारक बण्यें जाणु च, जैमा ऊंकी 9 फीट क प्रतिमा स्थापित कर्यें जाली।

गणेश जोशी न बोलि कि 14 अप्रैल खूंणि प्रदेसा मुख्यमंत्री धामी सीडीएस जनरल रावत क समळौंण बण्यु प्रतिमा कु अनावरण कारला।