भ्याल लमड़ि कार, तीन लोग टुणपट

उत्तराखण्ड मा सड़क दुर्घटना रुकणा कु नौं नी लिंण च। आज मंगलबार खुणि गुमाखाल क नजीक द्वारीखाल मा एक कार 300 मीटर भ्याल मा लमड़िग्ये। ये हादसा मा तीन लोगुक टुणपट ह्वेग्ये।

हादसा जाणकारी पर पुलिस अर एसडीआरएफ न बचाव अभियान चलै की दुर्घटना मा टुणपट हूयां लोगु तैं भैर निकालि अर अगनै का कारवै का वास्ता अस्पताल भेजि।

सतपुली पुलिस तैं फोन पर जाणकारी मिलि कि सिलोगी-गूम-बागी ब्यासचट्टी मोटर मार्ग गुमखाल न नजीक द्वारीखाल मा एक कार भ्याल लमड़िग्ये। जैका बाद पुलिसन या खबर एसडीआरएफ तैं द्यायी। एसडीआरएफ झट घटना क जगा पर पौंछि, जख एक कार भ्याल मा लमड़ि छायीं।

बचाव दलन अभियान सुरु कायी अर दुर्घटना मा टुणपट हूयां तीन लोगु तैं भैर निकाली।
कार मा तीन मनखि छायीं, जैमा द्वी आदिम अर एक ब्यटुलु छायीं।

बतै दिंया की सबि एक हि कुटुम्दरि का छायीं अर दिल्ली बिटि अपणा गौं कुठार जाणा छायीं तब गुमखाला नजीक द्वारीखालम ऊंकी गाड़ी भ्याल लमड़िग्ये। ये हादसम सर्या कुटुम्दरि खतम ह्वेग्ये।