कैबिनेट मंत्री सतपाल महाराज क् अध्यक्षता म हरद्वार जिला योजना क बैठक उर्ये ग्यायी

हरद्वार। कैबिनेट मंत्री अर हरद्वार जिला प्रभारी सतपाल महाराज क् अध्यक्षता म हरद्वार म जिला योजना क बैठक उर्यायी।

बैठकम सतपाल महाराजन बस्गाल म सड़क, पाणि, बिजली जन्नि दिक्कत तैं लेकै चर्चा करै ग्यायी। जिला प्रभारी न सड़कियों बणौंणा काम म हौरि तेजी अर पाणि क दिक्कदरि तैं दूर करणा का आदेश बि दींन।

जिला प्रभारी मंत्री सतपाल महाराजन बतै कि साल 2024-25 म हरद्वार जिला खूणि मंजूर पैंसौ म 8 प्रतिशत क् हौरि मंजूर करै ग्यींन। जै से अब 67 करोड़ 35 लाख से हरद्वार जिलम विकासा काम करै जाला।

यांका दगड़ि महाराजन रूड़ियौं क मैनो म पाणि क क्वीं दिक्कत न हूंया या क बारम अधिकारियों तैं निर्देश दींन। सतपाल महाराजन विधायकौं की दिक्कत तैं सूणि अर समस्या तैं हल करणा आदेश बि दींन।

वखि हरद्वार ल लगातार लगणु जाम पर उन्न बोलि की टैªफिक प्लान पर विचार करै जाणु च।

यीं बैठक म भाजपा क विधायक आदेश चौहान, कांग्रेस विधायक ममता राकेश, अनुपमा रावत, रवि बहादुर, फुरकान अहमद, बसपा विधायक मोहम्मद शहजाद बि छायीं।