कैबिनेट मंत्री सतपाल महाराजन करिन बाबा केदार क् दर्शन
रुद्रप्रयाग। पर्यटन मंत्री सतपाल महाराजन आज बाबा केदारा दर्शन करिन। ऐ मौका पर महाराजन बाबा केदारनाथ मा रुद्राभिषेक पूजा कायी अर सर्या देस राजि-खुसी रैयां या कामना कायी।
सतपाल महाराजन केदारधामम चलणा पुनर्निमाणा कामु क जाणकारी ल्यायी अर समीक्षा कायी। महाराजन जातरियों क दिक्कतदारि तैं बि सूणि अर अपड़ा सुझौ बि दीन।
महाराजन बोलि कि केदारधाम धाम हूयां या हौरि धाम सबि जगों मा विकासा खूब काम हूंणा छन अर प्रधानमंत्री मोदी कु विजन पूरु हूंणू च। इन्न बोलि यु विकासा काम कु फैदा हमतैं जनता कु आशीर्वादा पूरू म मिलणु रैंद अर लोकसभा चुनौ क नतीजों मा समिणि ऐ जालु।