कैबिनेट मा ह्वै सकदु हेर-फेर, कैबिनेट मंत्री प्रेमचन्द्र अग्रवाल न बोलि जु ह्वाळु सब्यौं के समणि ऐ जाळु

देरादूण। यूकेएसएसएसी पेपर लीक अर विधान सभा मा पिछनै क द्वार बटि ह्वीं भर्ति क मामला क चौछ्डि छ्वीं हूंणि छन। अर ब्लयें जाणु क कैबिनेट मा हेर फेर ह्वै सकद।

यांक बारा मा जब हरद्वार मा पौंच्यां कैबिनेट मंत्री प्रेमचन्द्र अग्रवाल क दगड़ मा पत्रकारू न यू सवाल कायी कि कै कैकि मंत्री क मंत्रीमण्डल बटि छुट्टी ह्वै सकद। प्रेमचन्द्र अग्रवाल न बोलि बल कुछ ह्वाळु त सब्यौं के समणि ऐ जाळु। अबि सबि मामला मा जांच हूंणि च, सच्चै समिणि ऐ जाली। अबि कतामति मा कुछ भि नी ब्वलें जै सकदु। जरा जग्वाल कारा, अबि त मि मंत्री हि छौं अर काम करणु छौ।

त दूसर तरफ गणेश जोशी न ऐ बारा बोलि इन्न छ्वीं मीडिया मा हूंणि छन। जू ह्वाळु समणि ऐ जाळु। सरकार कै भि कीमत फर दोषियों थैं नी छ्वाड़ाळि। उन्न बोलि पैळि बार धामी सरकार मा कुईं अधिकारी घपला करणा क मामला मा जेल ग्यें।