कैबिनेट मा ह्वै फैसळा, हाईकोर्ट अब हल्द्वानी मा ह्वाळु

देरादूण। राज्य कैबिनेट क बैठक आज सचिवालय मा मुख्यमंत्री पुष्कर सिंह धामी क अध्यक्षता मा ह्वै। बैठक मा 25 प्रस्तावु पर मुहर लगिग्यें।

कैबिनेट मा धर्म बदलि करण कु कानून थैं औरि कटकुटु बणाणा कु फैसळा लियेग्यें। अब उत्तराखण्ड मा धर्म बदलि करण फर जमानत भि नीं ह्वैळी अर 10 साळ क सजा ह्वैळी।

राज्य कैबिनेट क बैठक मा यु प्रस्ताव भि पास ह्वै कि हाईकोर्ट थैं अब नैनीताल बटि हल्द्वानी लिज्यें जालु। हाईकोर्ट क नैनीताल बटि हल्द्वानी बदलि करणा क मंजूरि मिलिग्यें। हाईकोर्ट थैंं नैनीताल बटि हल्द्वानी ल्याणा क मांग बौत पैळि बटि करयें जाणि छायीं।

त वखि भूसा अर साइलेज फर सरकारन सब्सिडी थैंं बणाणा कु फैसळा ले। कौशल विकास केन्द्र चलौंण वलों थैं पैंसा देंण क नियमु मा भि बदळि कर्यें ग्यें। अब तिन न बल्कि चार किस्तु मा ऊथैं पैंसा दियें जाला।

दूद विकास विभाग मा 75 प्रतिशत सब्सिडी दियें जाली, अबि तक 50 प्रतिशत दियें जाणि छायीं, जै से 52 हजार गौंड़ि-भैंसि पळण वळों थैं फैद ह्वोळु।

बैठक मा राज्य आंदोलकारियों थैं 10 प्रतिशत आरक्षण दियें जाणा क बारा मा भि छुंवीं ह्वै।

कैबिनेट बैठक मा हूयां फैसला –

धर्मांतरण कानून थैं मंजूरी।

हाईकोर्ट नैनीताल बटि हल्द्वानी लिज्यें जालु।

चंपावत में ख्वळें जालु नैं आटीओ दफतर।

उत्तराखण्ड दुकनी अर स्थापना 2022 प्रख्यापन थैं मंजूरी।

आवास नीति मा सुधार।

विभागु क सेवा नियमावली मा ह्वै सकदि बदलि।

भूस्सा पर सब्सिडी बण्यें ग्यें।

कौशल विकास योजना क नियमावली मा ह्वै बदलि।