गैरसैंण मा होळु बजट सत्र

देरादूण। साल 2023 कु बजट सत्र गैरसैंण मा होळु। धामी सरकारन यु फैसळा लेयाळि। या खूंणि प्रदेसा रुड़ियों क राजधानी गैरसैंण मा त्यारि सुरु ह्वैग्यीं। गैरसैंण मा बजट 13 मार्च बटि 24 मार्च तक होळु।

पैळि संसदीय कार्य मंत्री प्रेमचन्द्र अग्रवाल न या बात बोलि छायीं कि उत्तराखण्ड कु बजट सत्र होळी क बाद उर्यें जाळु। जै फर विधानसभा अध्यक्षा ऋतु खण्डूडी न अपड़ि मंजूरि दे याली।

व दूसर तरफ बजट सत्र थैं लेकैकि सरकारन सबि व्यापारी, उद्यमी, ब्यटुळौं अर ज्वानु बटि अपड़ा-अपड़ा सुझौं मंग्यां छन।