कोटद्वार, मालन नदी मा बण्यूं पुळ पाणि मा बोगिग्यें
कोटद्वार। उत्तराखण्ड मा खळाखळ हूंणि बरखा अपड़ा रौद्र रूप दिखौंणि च अर लोगु खूंणि दिककत खड़ी करणि च।
पाड़ मा हूंणि खळाखळ हूंणि बरखा से अब सैंण मा हालात खराब हूंण बैठिग्येंन।
ब्याली राति बटि हूंण बरखा न पौड़ी जिला क कोटद्वार मा मालन नदी मा बण्यूं पुळा कु एक खम्बा पाणि मा बोगिग्यें जै से पुळ भ्वा प्वोडि ग्यें। पुळ टुटणा क कारण कोटद्वारा भाबर औंण-जाण वळों कु बाटु बन्द ह्वैग्ये। बतैं जाणु च एक मनखि जु पुळ कु वीडियो बणौंणु छायीं वु गदना मा बौगिग्यें।
हल्दूखाता के रैवासी ब्वन छन बल मालन नदी मा अवैध खनन क कारण पुळ बोगि ग्यें अर उ या खूंणि लैंसडौन वन विभागा घोर लापरवै बतौंणा छन। पुळ बोगणा क कारण कोटद्वारा अर सिडकुल भावर क लोगु कु औंण-जाण क बाटु बन्द ह्वैग्यें।
पाड़ मा खळाखळ हूंणि बरखा क कारण कोटद्वार मा मालन, सुखरो, खोह क दगड़ मा पनियाल गदेरा मा पाणि उफान पर च। गदनों क छाल रैंण वला मनखियौं क घौर मा पाणि भ्वरेंग्यें। वखि कोटद्वार मा कौड़िया, देवीनगर, सूर्यानगर आमपड़ाव मा ळोगुक घौंर म पाणि भ्वरेंग्यें, जै से लोगु क जीणु मुसकिल ह्वैग्यें।