भाजपन संगठन चलौंणा वास्ता बणयीं च 30 करोड़ रुप्यौं की एफडी, मिन बि जमा करनि 1 करोड़ रुप्या : हरक सिंह

कांग्रेस नेता अर पैल्यक कैबिनेट मंत्री हरक सिंह रावतन भाजपा पर बडु आरोप लगै। हरक सिंह रावतन बोलि कि प्रदेसा खनन नीति न भाजपा न अपडु घौर भोरि द्यायी। उन्न बोलि कि भाजपन संगठन चलौंणा वास्ता ज्वां एफडी बणयें ग्यायी, वीं एफडी मा जब वु भाजपा सरकारन वन मंत्री छायीं तब उन्न एक करोड़ रुप्या जमा करिन।

हरक सिंह रावतन बोलि यु एक करोड़ रुप्या उन्न खनन माफियाऔं से जमा कायी। उन्न यांमा मि बि कसूर बार छौ इल्लै मेरी बि जांच हूंण चैंद, भाजपा जांच कै सकदि।

हरक सिंह रावतन बोलि कि कै कै न पैसा दींन, यांकी जांच अगर ईमानदारी से होलि त अद्दा भाजपा जेलम होलि। उन्न बोलि जब यु वन मंत्री छायीं तब उन्न रामनगर अर हल्द्वानी जैकि वख जतगा बि खनना ठय्कदार छायीं, उमा बिटि दस – दस लाख रुप्यौं का चेक ल्याणा खुणि बोलि छायीं। इल्लै ऐ मामला म मि बि दोषि छौ।

हरक सिंह रावतन बोलि मुख्यमंत्री पुष्कर सिंह धामी खनन की डंका बजौंणा छन पर सच बात या च कि प्रदेसम अवैज्ञानिक खनना कारण हि आपदा कु खतरा बढ़दै जाणु च। हरक सिंह रावतन बोलि वु खनना खिलाप नीं छन। गदनौं बिटि रेज बजरी हटण चैंद पर गदना किनरौं पर कैथैं बि क्वीं नुकसान नीं हूंण चैंद।