भाजपा, हरद्वार बिटि त्रिवेन्द्र रावत त पौड़ी बिटि अनिल बलूनी मैदान मा
देरादूण। भाजपा न उत्तराखण्डा क हरद्वार अर पौड़ी सीटु मा लोकसभा उमेदवारू की घोषणा कै याली। भाजपा न हरद्वार बिटि त्रिवेन्द्र सिंह रावत तैं त वखि पौड़ी बिटि अनिल बलूनी तैं चुनौ क मैदान मा उतारि।
दिल्ली मा भाजपाक सीईसी बैठक मा हरद्वार अर पौड़ी लोकसभा सीटु मा उमेदवारू क घोषणा कै याली। हरद्वार बिटि रमेश पोखरियाल निशंक कु टिकट काटी की त्रिवेन्द्र सिंह रावत तैं दियेग्यायी। त वखि पौड़ी मा तीरथ सिंह रावत कु टिकट काटी की अनिल बलूनी तैं टिकट दियेग्यायी।