भाजपा न पांच साळ मा ख्वें दीं पांच विधायक
देरादूण। 2017 चुनौ मा 70 बटि 57 सीट मा जीत दर्ज करण वळि भाजपा खूंण ईं विधानसभा क कार्यकाळ जादा भल्ळु नि रायीं।
ईं पांच साळ मा भाजपा न अपड़ा 5 विधायक थैं ख्वें द्यायी त चुनौ का साळ मा भाजपा के द्वी विधायक स्वर्ग ह्वै ग्यीं।
भाजपा थैं पैळि झटका पिथौरागढ़ वटि विधायक प्रकाश पंत रूप मा लग्गि। वैका बाद थराळी क विधायक मगनळाळ शाह। सल्ट विधायक सुरेन्द्र सिंह जीना अर ऐसु का साळ गंगोत्री विधायक गोपाळ सिंह रावत अर अब कैंट बटि विधायक हरबंस कूपर।
पांच साळ मा पांच विधायकों क स्वर्गीय हूंणसे भाजपा थैं बौत बडु़ नुकसान ह्वै। त दूसर तरफ कांग्रेस थैं अनुभवी अर बड़ि नेता इंदिरा हृदयेश क अचाणचक जाणा से बौत बडु़ नुकसान ह्वै।