बिना फ्यारौं क ब्योळा लौटि घौर

पौड़ी। पौड़ी जिला मा ब्याली भ्याल मा लमड़ि गाड़ी मा 25 पौंणों क म्वरण सै दुखी ब्यौला न ब्याह करण से मना कैरि दे। अर बिना ब्यौळी क अपड़ा घौर मा ऐग्यें। ब्यौला कु रवै-रवै कि बुरा हाल छन।

मंगलवार खूंणि लालढांग बटि संदीप क बरात पौड़ी जिला क बीरोंखाल मा कांडा गौ ग्यें छायीं। ब्यौला कार मा अर बरति बस मा छायीं। ब्यौला संदीप कार से पैळि ब्यौळी के घार क नजीक पौंचि ग्यायी अर बरतियों के इंतजार करणु छायीं कि तबरि खबर ऐ कि बीरोंखाल मा सिमड़ी के नजीक बस नयार मा लमड़ि ग्यायी।

खबर सुणदा हि ब्यौळी क घौर मा रूआं रूंआ ह्वैग्ये। अर ब्यौला अपड़ि कार मा हि बैठ्यूं रायी अर घैल बरतियों के जाणकारी फोन पर लिंणु रायीं। ब्यौळा क रवै-रवै क बुरा हाल ह्वैग्यीं। जैका बाद ब्यौळा बिना फ्यारौं को वापिस लौटिग्यें।