बिलखेत तैं साहसिक पर्यटन क तोक मा मिलळि नै पछ्याण : सतपाल महाराज

पौड़ी। कैबिनेट मंत्री सतपाल महाराजन आज विकासखण्ड जयहरीखाल तोक म राजकीय उच्चतर माध्यमिक विद्यालय काण्डई मा 36 करोड़ 96 लाख रुप्यौं से बणण वळु मोटर मार्ग , पंचैत भवन पेयजल जनि योजनौं कु शिलान्यास कायी।

ऐ मौका फर कैबिनेट मंत्री बोलि कि हिमाचल क तरौं बिलखेत तैं बि पैराग्लाइडिंग जन्न खेळु खूंणि त्यार कर्यें जालु अर या खूंणि उन्न अफसरु तैं जरूरी निर्देश दे दीं।

विधानसभा चौबट्टाखाल मा अपडु दौरा कु दुसर दिन आज कैबिनेट मंत्री महाराजन जयहरीखाल ब्लाॅक तैं पाणि सड़कि, पंचैत भवन जन्नि योजनौं क सौगात दे।

ऐ मौका फर सतपाल महाराजन बतै कि सरकार क तरफ बटि प्रदेस रैवासियों क विकास खूंणि काम कर्यें जाणु च।

राजकीय उच्चतर माध्यमिक विद्यालय काण्डई मा उर्यूं कार्यक्रम मा उन्न बोलि कि जयहरीखाल ब्लाॅक खूंणि 36 करोड़ 96 लाख रुप्यौं से बणाण वळि सुविधाओं कु विकास कर्यें जाणु च। उन्न बोलि कि सबि काम बगत मा कर्यें जाणा कु निर्देश दीं ऐग्यीं। उन्न बोलि सबि काम ईमानदारी से कर्यें ज्यां।

कैबिनेट मंत्री सतपाल महाराजन बोलि कि कल्जीखाल विकास खण्ड का बिलखेत मा पैराग्लाइडिंग एडवेंचर स्पोटर््स तैं सुरु कायी। उन्न बोलि कि बिलखेत साहसिक खेळु खूंणि बौत अच्छी जगा च। ऐ तोक मा इन्न औरि खेळु तैं बढ़ावा दियें जाळु। बिलखेत तैं पैराग्लाइडिंग खेळु खूंणि त्यार कर्यें जाळु अर कल्जीखाल तैं पर्यटन क तोक मा नै पछ्याण मिलळि।