भारत पर्व मा पैलि बार दिख्यें जाली ‘विकसिक उत्तराखण्डा’ झांकी

देरादूण। भारत पर्व क मौका पर दिल्ली लाल किला मा पैलि बार उत्तराखण्डा विकास जातरा क दर्शन ह्वोला। ऐसु साल झांकी क थीम ‘विकसित उत्तराखण्ड’ धर्यीं च।

‘विकसित उत्तराखण्ड’ झांकी म सूचना विभााग संयुक्त निदेशक व नोडल अधिकारी के. एस. चौहान न बतै कि ‘विकसित उत्तराखण्डा’ झांकी क अगनै कुमौंनी ब्यटुला पारम्परिक भेष भूषा मा स्वागत करदा, उत्तराखण्ड कु क्वादु, झंगोरू अर कोणी क खेती अर राज्य पक्षी मोनाल तैं त झांकी क बीच मा होमस्टे तैं दिख्यें ग्यायी।

संयुक्त निदेशक न बोलि कि साल 2023 मा भारत सरकार न पिथौरागढ़ कु सरमोल गौं तैं सबसे अच्छु पर्यटन गौं घोषित कै छायीं। यांका दगड़ि लखपति दीदी योजना न प्रदेसा ब्यटुलों तैं आत्मनिर्भर बण्यें जाणु च। विकसित उत्तराखण्ड झांकी क पिछनै भाग मा ऑल वेदर रोड़, ऋषिकेश -कर्णप्रयाग रेल परियोजना अर पैलु गौ माणाा तैं दिख्यें ग्यायी।